قصتي مع مؤسسة اعمار

يا اخي شفت رسايلك عن الاعمار وعن مديرها المرزوقي



شخصيا حصلت لي هذي القصة مع مؤسسة إعمار



في أحد المحسنين عن طريقي قام بالتبرع ببناء مسجدين في احد الدول الأفريقية


وفي كل مرة أروح لهم أبي أشوف صور المسجدين يماطلون حتى إني دخلت وهاوشت المسئول في الاستقبال وكل مرة يطلع لي بحجة وعذر جديد ويمطط بالمواعيد



ما عاد لي وجه عند المتبرع وتفشلت الصراحة منه



وآخرتها ودوني عند واحد شكله سعودي يقال لك يبغى يلطف الجو وطلع هو مو فاهم السالفة كلها ولا يدري عن شيء لكنهم حاطينه مثل الإبرة المهدئة عشان ما يزداد الغضب عليهم قلت له يا أخي المساجد هذي أنا وسيط فيها وماهي من أموالي الشخصية لكنها أموال أنا مؤتمن عليها وعدني خير وقال راح نحل لك المشكلة وإلى هالساعة والله لا حلوا مشكلة ولا كلموني ولا اتصلوا فيني



بالله هذي طريقة تعامل مؤسسة خيرية؟؟ والله إنهم يشككونك في مصداقيتهم وأمانتهم غصب هذا وانا شارط عليهم ابي صور المسجد عشان أوثقها للمتبرع لكن ما حولك أحد



عشان ما اظلمهم أنا قبل جبت لهم أكثر من مسجد وبنوه لكن هالمسجدين ماطلوني فيها ومرمطوني ولا شفت لا مسجد ولا صور ولا شفت الدراهم وغسلت يدي منهم ولا رحت لهم



اتوقع لو الموضوع طلع ونشرتوه انهم يتصلون فيني ويقولون تعال هذي مساجدك اللي بنيناها ويمكن يرجعون لي الفلوس فوق المساجد


حرام مؤسسة خيرية تتعامل مع المتبرعين بهذي الطريقة الغبية


ارجوكم تنشرون الموضوع في قائمتكم البريدية عشان يشوفونه ويستحون شوي على دمهم